مرافئ بلا حدود

**آيات الجمال** · الثلاثاء أبريل 17, 2012 7:07 am

هي بعض المفردات الشامية ،مشان اذا طلعت مني شي كلمة .. تفهموها ..ماتحتاروا..

بتمنى يعجبكن :

دشرو - يعني حل عنو

ماني غضران - يعني لست بقادر

يو تشكلوا آسي - تعبير يفيد شدة حب المتكلم للمتكلم عنه

والآس هو نبات يوضع على قبر الميت عند وفاته

الواه الواه - تعبير نسائي قح ....يفيد التمسخر على شيء ما

ولا - أداة تستخدم في النهر والشتم

ايدي بزنارك -تعبير عن الرجاء

دخيل الله -ايضا تعبير يستخدم عن الرجاء والمقصود به

هو الإستغاثة بالله

وضّراب السخن - وهي مسبة ... وتعني ......ما بعرف بس مسبة

كوكش - يعني يفتش

بحبش - ايضا مفردة تعني البحث مع التمحيص

ينمحئ -يعني ينضرب على قامته ..........يصطفل

يتحورق- ومرادفها يتسولق وهي مسبة من المسبات عند الطعام

يتقوص - يرمى بالرصاص

عود يقعد رزك - يعني خيلتنا حاجة تحوص ....والمعنى الأدق يعني تموت

والناس تاكل رز ......لنه لما حده بموت من العادات انه بتصير عزيمة

وبطعموا الناس اوزي على روح الميت

وين غاطط - يعني وينك مو مبين

والسبع تنعام - يعني النا الشرف

ما بيعرف الخمسة من الطمسة - عن الواحد يلي ما عنده ثقافة

سري مري - يعني يلي بيطلع من البيت كتيييير

شروي غروي أو شندي بندي - عالحكي يلي بلا طعمة يعني مو مفيد

طاقق الفيوز - كلمة للدلاله على انو واحد (ما عم لاقي معنى مناسب)

بس يعني مو على بعضه

كحته وبحب الشحته -ايدو ماسكة وبخييييييييييل

شاطط وماطط - يعني مدلع زيادة

نعيان -يعني قلبه باااارد

شاضومة - يعني بنت لسانها طويل

تعسيلة -نومة بعد الضهر

نايط - =نعيان

مسرسبة -يعني بتحب النظافة كتيييير

اسسسسسسسع- اوعى -يعني ممكن تاخد طريق

اغيييييييييييي - هي للأبضايات بس

تاكلك الدودة العميا - الدودة العميا هي دودة البقر.....

يعني الواحد يموت وياكله الدود ... بعيد الشر

يبعتلو اتله شو سمج - يبعتلوا قتله كمان يعني يموت .....آمين يا رب

سمج -غليظ

موسوس -مهووس بشغله

حاج تحوص -يعني حاج تفتل وتدور

شوية اخر - يعني بعد (ابتعد) شوي كمان

شغله مهمة كتييييييير
يقطع عمره -الله يخلصنا منه

الموضوع . الاصلى : قاموس شامي -عربي المصدر : منتديات نور الاسلام الكاتب:آيات الجمال

مرافئ بلا حدود

المنتدي العام

مواضيع ذات صلة

مرحباً بكم إلى منتديات نور الاسلام .
مرحبا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى..