وهاتلي شكل غير شكلي .. وهاتلي حل ل مشاكلي ! وهاتلي صديق ما بيملّش وهاتلي حب .. برغم البُعد ما يقلّش ! وهاتلي حضن .. ف غز الخوف يطمنّي وهاتلي بنت تُسكُنّي ! وماتسبنيش ! وهاتلي عُمْر ف بدايته وهاتلي ضحك ف نهايته مابيبكّيش وهاتلي ليل بدون أوجاع وهاتلي من الحياه صاحب .. ماهوش بياع!
وهاتلي قلب لا داب ولا حب ولا انجرح ولا شاف حرمان ! وهاتلي حضن متجربش يكونلي اول استعمال وهاتلي كلام من العشاق يكونلي اول اللي اتقال ! وهاتلي ألف بداية م الحلوة ..
و هاتلى م الدموع غِنوة ..
و ودّينى ...
أشوف بـ القلب و بـ عينى
مكان جَنّة ...
و انقُش بُكرة بـ الحِنّة ..
و هاتلى معاد ..
مابيفوتشى ...
وهاتلى ركن من جامع ..
أعيط فيه كتير فـ أرتاح
وهاتلى جناح ..
يوصلنى
وهات مفتاح لباب توبه
بكام دمعة وكام ركعه وكام سوره
محبة ربى مكتوبه
بكوفى و نسخ و برقعه
وجوا ضلوعى محفورة..
و هاتلي عمر ميصديش ..
و نخل تملي بيصلي .. يقوم يتوضا ميوطيش ..
و هاتلي حتتين صلصال ..
و روح منفوخة م الترحال ..
و هاتلي حكمة م الأمثال .. تعلمني و متوجعنيش ..
لا أنا هبكي و لا أغني ..
هصاحب بس سوء ظني ..
و #أسيب الدنيا يمكن أعيش ..
لو إنتوا توب قماش و حرير ..
ف أنا روحي بتلببس خيش ..
هاتولي عمر .. ميصديش !